<p>Wrespati Wage Pujut, 2 Februari 2023, sampun kamargiang parikrama Pamungkah Bulan Bahasa Bali ring Kabupaten Badung sane kaping 5. Bulan Bahasa Bali sane mangkin mamurddha Segara Kerthi, Campuhan Urip Sarwa Prani<br /> <br /> Bulan Bahasa Bali puniki katuwasen olih bapak Bupati Badung utawi Sekda Kabupaten Badung pinaka panyeledihi.<br /> <br /> Bulan Bahasa Bali karamyang antuk makudang baga wimbakara, sajeronipun wimbakara nyurat aksara Bali sisya SD, wimbakara nyurat lontar sisya SMP, wimbakara ngawacen lontar daha teruna, wimbakara masatua bali krama istri, lan wimbakara mapidarta basa Bali kelian Adat ring sajebag kabupaten Badung.<br /> <br /> Wenten taler pameran pustaka saking Dinas Kebudayaan Badung miwah UKM lokal sane nyarengin ring stand pameran<br /> <br /> Taler sareng Penyuluh Bahasa Bali Kabupaten Badung sane nyarengin Bulan Bahasa Bali ring Kabupaten Badung Puniki.<br /> <br /> Para Jayanti saking Bulan Bahasa Bali Kabupaten Badung puniki, pacang nyarengin Parikrama wimbakara ring Bulan Bahasa Bali tingkat Provinsi pinaka duta Kabupaten Badung<br /> <br /> Dumogi parikrama Bulan Bahasa Bali ring Kabupaten Badung presida ngalestariang Bahasa, Sastra miwah Budaya Bali ring Kabupaten Badung</p>