<p>Krama Badung sareng sami, saking alit-alit, Daa Teruna, Krama Lanang lan Istri ngiring lestariang Basa Baline malarapan antuk ngelaksanayang Bulan Basa Bali ring bulan Pebruari warsa 2022 puniki. Pemerintah Kabupaten Badung sampun midabdabin parikrama Bulan Basa Bali puniki antuk ngalaksanyang wimbakara/lomba minakadi: wimbakara Nyurat Aksara Bali tingkat SD, Ngwacen Lontar Daa Teruna, Nyatua Bali Krama Istri, Pidarta Bandesa Adat lan Debat Basa Bali tingkat SMA/SMK. Tiosan ring punika naler wenten sasolahan Drama Gong miwah tembang pupuh Ginada. Parikrama puniki kalaksanayang ngawit saking tanggal 2-3 Pebruari 2022.<br /> Ngiring Krama Badung sareng sami rajegang Basa Bali druene antuk mabaos ngangge Basa Bali nyabran Bulan Basa Bali ring Bulan Pebruari.<br /> <br />  </p>